Районный этап областного конкурса на лучшую сувенирную работу среди педагогических работников пройдет с 24 октября 2016 по 25 ноября 2016 года.
ПАРАДАК ПРАВЯДЗЕННЯ
1. Агульныя палажэнні
1.1. Раённы этап абласнога конкурсу на лепшую сувенірную работу (далей – конкурс) праводзіцца з мэтай развіцця выяўленчага мастацтва і дэкаратыўна-прыкладной творчасці ва ўстановах адукацыі Мінскага раёна.
1.2. Асноўнымі задачамі конкурсу з’яўляюцца:
развіццё выяўленчага мастацтва і дэкаратыўна-прыкладной творчасці ва ўстановах адукацыі Мінскага раёна;
садзейнічанне росту і прафесіяналізму творчых калектываў;
падвядзенне вынікаў работы і распаўсюджванне лепшага вопыту педагогаў, якія працуюць у галіне выяўленчага мастацтва і дэкаратыўна-прыкладной творчасці, павышэнне якасці выкладання.
1.3. Арганізатарам конкурсу з’яўляецца аддзел адукацыі, спорту і турызму Мiнскага райвыканкама, ДзУДА “Цэнтр творчасці дзяцей і моладзі Мінскага раёна”.
1.4.Журы конкурсу:
арганізуе ацэньванне работ удзельнікаў конкурсу;
падводзіць вынікі конкурсу;
1.5. Рашэнні журы конкурсу прымаюцца на паседжаннях шляхам адкрытага галасавання і афармляюцца пратаколамі. Журы конкурсу мае права прымаць рашэнне, калі на паседжанні прысутнічае не менш за 2/3 зацверджанага саставу журы. Рашэнне журы конкурсу лічыцца прынятым, калі за яго прагаласавала больш паловы прысутнічаючых на паседжанні членаў журы конкурсу.
2. Патрабаванні да ўдзельнікаў конкурсу
2.1. Да ўдзелу ў конкурсе запрашаюцца работнікі ўстаноў адукацыі Мінскага раёна.
2.2. На конкурс прымаюцца як індывідуальныя, так і калектыўныя работы.
2.3. Кожная ўстанова адукацыi павінна падрыхтаваць не менш аднаго сувеніра высокай якасці, зробленага сваімі рукамі.
2.4. Поўны спіс творчых работ прадстаўляецца ў двух экзэмплярах (надрукаваным і электронным). Кожная конкурсная работа павінна быць сфатаграфавана, усе фота прадстаўляюцца разам з электронным варыянтам спіса работ на адрас: cdt@minsk.edu.by (для Маркавец А.А.).
2.5. Работы выконваюцца ў наступных намінацыях:
віншавальная паштоўка (Новы год, Дзень жанчын, Дзень абаронцаў Айчыны, З юбілеем і г.д.);
жывапіс, графіка;
роспіс па тканіне, шклу, дрэву, бацік, маляванка;
работы з саломкі (аплікацыя, інкрустацыя, саломапляценне);
кераміка;
мастацкая вышыўка, вязанне;
пляценне карункаў;
ткацтва (дываны, сурвэткі, абрусы, пано);
лялькі ў нацыянальных строях, інтэр’ерныя лялькі;
работы са скуры, ільну;
выцінанка і іншыя.
2.6. Творчыя работы не вяртаюцца.
3. Парадак правядзення конкурсу
3.1. У перыяд з 24 кастрычнiка па 20 лістапада 2016 года праводзяцца ва ўстановах адукацыі выставы лепшых сувенірных работ дэкаратыўна-прыкладнога накірунку сярод педагогаў.
3.2. Для ўдзелу ў раённым этапе конкурсу неабходна да 24 кастрычнiка 2016 годапрадставіць лепшыя работы у ДзУДА “Цэнтр творчасці дзяцей і моладзі Мінскага раёна” па адрасу: аг. Сеніца, вул. Слуцкае шасэ, 37.
3.3. На кожнай рабоце (акрамя віншавальных паштовак) павінна быць этыкетка, якая падпісваецца на беларускай мове і замацоўваецца на адваротным баку работы ў правым ніжнім вугле. Памер этыкеткі – 5 см на 10 см.
Узор этыкеткі:
назва работы;
намінацыя;
прозвішча, імя, імя па бацьку аўтара;
назва ўстановы адукацыі.
3.4. Падвядзенне вынікаў раённага этапу абласнога конкурсу на лепшую сувенірную работу ажыццяўляецца журы. Журы конкурсу ацэньвае прадстаўленыя работы па наступных крытэрыях:
захаванне беларускіх народных рамёстваў;
выкарыстанне новых матэрыялаў і тэхналогій у творчых работах;
дызайн (арыгінальнасць сюжэту, кампазіцыйнае, каляровае рашэнне);
спалучэнне традыцыйнага мастацтва і сучасной культуры;
творчая індывідуальнасць, глыбіня мастацкай ідэі;
узровень выканаўчага майстэрства.
3.5. Колькасць пераможцаў у кожнай намінацыі вызначаецца рашэннем журы. Пераможцы раённага этапу абласнога конкурсу ўзнагароджваюцца дыпломамі аддзела адукацыі, спорат i турызма Мінскага райвыканкама. Работы пераможцаў напраўляюцца для ўдзелу у абласным этапе конкурсу.