ПАРАДАК ПРАВЯДЗЕННЯ
раённага этапу рэспубліканскага конкурсу
праектна-даследчых работ навучэнцаў
«Выхаванне на аснове традыцый беларускага народа.
Беларуская народная цацка»
1. Агульныя палажэнні
1.1. Раённы этап рэспубліканскага конкурсу праектна-даследчых работ (далей – конкурс) праводзіцца ў рамках рэалізацыі:
Канцэпцыі бесперапыннага выхавання дзяцей і вучнёўскай моладзі і Праграмы бесперапыннага выхавання дзяцей і вучнёўскай моладзі, зацверджанай пастановай Міністэрства адукацыі Рэспублікі Беларусь ад 22 лютага 2016 года;
Дзяржаўнай праграмы “Адукацыя і маладзёжная палітыка” на 2016 – 2020 гады, зацверджанай пастановай Савета Міністраў Рэспублікі Беларусь ад 28 сакавіка 2016 года.
1.2. Арганізатарам конкурсу з’яўляецца адзел адукацыі, спорту і турызму Мінскага райвыканкама.
1.3. Конкурс праводзіцца з мэтай патрыятычнага і духоўна-маральнага выхавання навучэнцаў, далучэння дзяцей да каштоўнасцей этнакультурнай спадчыны праз вывучэнне традыцыйнай народнай цацкі, развіцця і падтрымкі дзіцячай адоранасці ў галіне народнай культуры і мастацтва.
1.4. Асноўнымі задачамі конкурсу з’яўляюцца:
павышэнне матывацыі да пазнавальнай актыўнасці і даследчай дзейнасці навучэнцаў у галіне сваёй нацыянальнай культуры;
развіццё творчых здольнасцей навучэнцаў праз стымуляванне інтарэсаў да традыцыйнай народнай культуры і мастацтва;
выхаванне павагі да народнай культуры і мастацтва на аснове вывучэння традыцый мастацкіх рамёстваў і далучэння да жывых вытокаў духоўна-гістарычнага вопыту беларускага народа;
пашырэнне ведаў і ўдасканаленне майстэрства па выкананні беларускай народнай цацкі;
садзейнічанне сацыялізацыі асобы ва ўмовах сучаснага грамадства з улікам выхаваўча-адукацыйнага патэнцыялу беларускай нацыянальнай культуры.
1.5. Да ўдзелу ў конкурсе запрашаюцца навучэнцы ўстаноў дадатковай адукацыі дзяцей і моладзі, устаноў агульнай сярэдняй адукацыі Мінскага раена, якія выканалі праектна-даследчыя работы пад кіраўніцтвам педагога, таксама педагагічныя работнікі, якія ажыццяўлялі метадычнае суправаджэнне праектнай дзейнасці. На конкурс могуць прадстаўляцца і сумесныя праекты педагогаў, дзяцей і бацькоў.
1.6. Конкурс праводзіцца для навучэнцаў ва ўзросце ад 6 да 19 гадоў
па наступных намінацыях:
традыцыйная лялька (абрадавая, ігравая, тэатральная);
сучасная лялька (сувенірная, ігравая, тэатральная, выставачная, арт-аб’ект, інтэр’ерная);
традыцыйная цацка (абрадавая, ігравая, тэатральная);
сучасная цацка (сувенірная, ігравая, тэатральная, выставачная, арт-аб’ект, інтэр’ерная).
1.6. Для арганізацыі і правядзення конкурсу фарміруецца арганізацыйны камітэт (далей – Аргкамітэт).
Аргкамітэт:
кансульціруе зацікаўленых аб парадку ўдзелу ў конкурсе;
зацвярджае склад журы;
распаўсюджвае інфармацыю аб правядзенні конкурсу;
зацвярджае рэзультаты конкурсу;
аналізуе і абагульняе вынікі конкурсу.
1.7. Рашэнні Аргкамітэта прымаюцца на пасяджэннях шляхам адкрытага галасавання і афармляюцца пратаколамі. Аргкамітэт мае права прымаць рашэнне, калі на пасяджэнні прысутнічае не менш за 2/3 зацверджанага саставу Аргкамітэта. Рашэнне Аргкамітэта лічыцца прынятым, калі за яго прагаласавала больш за палову прысутных на пасяджэнні членаў Аргкамітэта.
1.8. Журы конкурсу:
арганізуе ацэньванне работ удзельнікаў конкурсу;
падводзіць вынікі конкурсу;
уносіць у Аргкамітэт прапановы па ўдасканальванню арганізацыі, павышэнню метадычнага ўзроўню конкурсу, ліквідацыі выяўленых недахопаў.
1.9. Рашэнні журы конкурсу прымаюцца на пасяджэннях шляхам адкрытага галасавання і афармляюцца пратаколамі. Журы конкурсу мае права прымаць рашэнне, калі на пасяджэнні прысутнічае не менш за 2/3 зацверджанага саставу журы. Рашэнне журы конкурсу лічыцца прынятым, калі за яго прагаласавала больш за палову прысутных на пасяджэнні членаў журы конкурсу.
2. Патрабаванні да ўдзельнікаў конкурсу і конкурсных работ
2.1. На конкурс прымаюцца як індывідуальныя, так і калектыўныя творчыя работы, выкананыя ў розных тэхніках і матэрыялах (гліняныя, саламяныя, ласкутныя, драўляныя, папяровыя, эка-лялькі; лялькі з нетрадыцыйных матэрыялаў).
2.2. Праектна-даследчыя матэрыялы прадстаўляюцца на беларускай мове у друкаваным і электронным выглядзе.
2.3. Структура праекта ўключае наступныя асноўныя часткі:
тытульны ліст (змяшчае: поўную назву ўстановы; тэму праекта; прозвішча, імя і імя па бацьку навучэнца(-цаў)-аўтара(-аў) праекта; назву аб’яднання па інтарэсах; прозвішча, імя і імя па бацьку кіраўніка праекта; горад, год);
змест (уключае назву ўсіх загалоўкаў з указаннем нумароў старонак, на якіх размяшчаюцца матэрыялы);
пашпарт праекта (уключае: назву праекта; мэты; тып праекта; адукацыйную вобласць; метады, выкарыстаныя ў праекце; формы прадстаўлення праекта; установы і арганізацыі, ва ўзаемадзеянні з якімі выконваецца праект);
уводзіны (аб’ём да дзвюх старонак); матывуецца выбар тэмы, вызначаюцца яе актуальнасць (тэарэтычнае і практычнае значэнне), мэты і задачы, вылучаецца гіпотэза (меркаваны вынік даследаванняў);
асноўная частка (не больш за 10-15 старонак) раскрываецца змест праблемы; аналізуюцца розныя пункты гледжання на праблему доследу, наяўныя ў навуковай літаратуры; выкарыстанне даследчага матэрыялу, даецца апісанне і аналіз шляхоў і метадаў вырашэння праблемы; кароткае апісанне мастацкага (творчага) прадукту праекта. Асноўная частка можа складацца з некалькіх падраздзелаў; яе змест павінен дакладна адпавядаць тэме работы і цалкам яе раскрываць;
заключэнне (абагульняюцца вынікі праведзенай работы і іх аналіз, фармулююцца высновы праектна-даследчай дзейнасці);
спіс выкарыстанай літаратуры (змяшчае крыніцы інфармацыі: навукова-папулярныя часопісы і кнігі, падручнікі і навучальныя дапаможнікі, слоўнікі, энцыклапедыі, Інтэрнэт-сайт і інш.);
дадаткі могуць уключаць дапаможныя матэрыялы: ілюстрацыі, фота, дадатковыя табліцы, графікі, малюнкі, неабходныя для лепшага разумення атрыманых вынікаў;
мультымедыйная прэзентацыя праекта (змяшчае асноўныя палажэнні і вынікі праекта, можа ўключаць фота-, відэа-, аўдыёматэрыялы).
2.4. Тэхнічныя патрабаванні
Удзельнікі конкурсу прадстаўляюць праектна-даследчыя работы ў фармаце MS Word. Тэкст конкурснай работы прадстаўляецца ў фармаце А 4 з палямі: злева – 2 см, справа – 1 см, зверху і знізу – 2 см у тэкставым рэдактары Word (не ніжэй Word 97) шрыфтам № 12 Times New Roman, міжрадковым інтэрвалам 1,5. У табліцах варта выкарыстоўваць толькі адзін стыль межаў – суцэльную лінію (табліцы патрэбна афармляць карэктна па ўсіх правілах работы з табліцамі ў рэдактары MS Word). Усе наяўныя ў тэксце гіперспасылкі павінны быць рабочымі. Спіс літаратуры і Інтэрнэт-рэсурсаў варта размясціць у канцы дакумента. У тэксце спасылкі на літаратуру афармляюцца ў квадратных дужках.
2.5. Дадатковыя матэрыялы
Могуць быць прадстаўлены практычныя распрацоўкі метадычнага суправаджэння праектна-даследчай дзейнасці (заняткі аб’яднанняў па інтарэсах, майстар-класы, экспедыцыі, метадычныя рэкамендацыі), мультымедыйныя прадукты (відэафільм, анімацыя, віртуальная выстаўка, сайт), інтэрактыўныя формы (гульня, тэатралізацыя), наглядныя матэрыялы (постэр, альбом, каляндар) і іншыя.
3. Умовы правядзення конкурсу
3.1. Конкурс праводзіцца ў наступныя тэрміны:
1 этап – раённы з 09 снежня 2016 года па 16 студзеня 2017 года;
прыём і рэгістрацыя работ – 16 студзеня 2017 года;
экспертыза і ацэнка праектна-даследчых работ – з 17 студзеня па 21 студзеня 2017 года
3.2. Для ўдзелу ў раённым этапе конкурсу неабходна прывезці праектна-даследчыя работы ў наступным выглядзе:
– мастацкая (творчая) работа, выкананая ў рамках праектнай дзейнасці;
– праектна-даследчыя матэрыялы ў друкаваным і электронным выглядзена беларускай мове;
– заяўка на ўдзел у раённым этапе ў друкаваным і электронным выглядзе на беларускай мове (дадатак);
– дадатковыя матэрыялы (калі ёсць) альбо спасылкі на іх.
Праектна-даследчыя работы неабходна даставіць у ДУДА «Цэнтр творчасці дзяцей і моладзі Мінскага раена» па адрасу: г. Заслаўе, мікрараен 2, д. 19, для Чарамісавай Е.А. Кантактны тэлефон 8 017 544 43 80.
3.3. Журы конкурсу ацэньвае прадстаўленыя работы па наступных крытэрыях:
– фармулёўка тэмы і аргументацыя канцэпцыі праекта;
– навізна і актуальнасць;
– лагічнасць складання плана праектна-даследчай дзейнасці, паўната раскрыцця тэмы;
– наяўнасць абгрунтаваных высноў;
– творчы падыход і арыгінальнасць;
– мастацкая выразнасць;
–стыль, мова выкладання матэрыялу (яснасць, вобразнасць, лаканічнасць, лексіка, граматыка);
– культура афармлення матэрыялаў і творчых вынікаў.
3.5. Пераможцы і прызёры вылучаюцца ў трох узроставых катэгорыях: 6-10 гадоў, 11-15 гадоў, 16-19 гадоў.
3.6. Колькасць пераможцаў у кожнай намінацыі вызначаецца рашэннем журы.
3.7. Лепшыя праекты ад Мінскага раёна будуць прадстаўлены ў ДУА “Мінскі абласны інстытут развіцця адукацыі” для ўдзелу ў абласным конкурсе праектна-даследчых работ навучэнцаў “Выхаванне на аснове традыцый беларускага народа. Беларуская народная цацка”.